ROXAS CITY, CAPIZ- Nagapadayon sa pag-inspect ang Roxas City Disaster Risk Reduction and Management Office sa tanan nga mga pasilidad kag imprastruktura sang syudad kasunod sang mga pagtay-og sang linog nga nagakabatyagan.
Sa interview sang Bombo Radyo kay Gilbert Francisco Fernando, Head sang Roxas City Disaster Risk Reduction and Management Office, iya ginpahayag nga nagapadayon ang ila nga mga on-ground inspection upod ang City Engineering Office kag electrical team.
Suno kay Fernando, sa subong, gina-consolidate pa sang City Engineering Office ang resulta sang nasambit nga mga inspection kag padayon man ini nga gina-update.
Pahayag nya, wala pa man sang may nabalhag nga major findings buot silingon, gamay palang nga damages ang naangkon sa amo nga linog.
Samtang, magapatigayon naman bwas nga adlaw sang pag-inspect sa Hall of Justice Building ang ila nga team.
Nagapanawagan naman ini sa publiko nga indi magpati sa mga fake news, kag likawan ang maghimo sang mga patalang nga impormasyon ilabi na sa tion sang kalamidad.
Interviewed by Bombo Francis Biñas
