Makabaton ang Yellow Thunders sang Team Roxas sang incentives gikan sa Roxas City Government matapos nga nakakuha sang 29 ka medalya kahapon nga adlaw sa nagapadayon nga Western Visayas Regional Athletic Association Meet (WVRAA) 2026 sa Passi Iloilo.
Suno kay Roxas City Mayor Atty. Ronnie Dadivas, luyag pa gid niya nga ma-inspire ang mga atleta, gani may premyo sa tagsa ka medalya: P10,000 para sa athlete nga makakuha sang gold medal, P5,000 para sa silver medal, kag P3,000 naman para sa makakuha sang bronze medal.
Pinaagi sa amo nga suporta mahimu nga makahatag sang inspirasyon kag determinasyon ang mga atleta, labi na nga ginadala nila ang ngalan kag kadungganan sang bilog nga Roxas City sa kompetisyon.
Nahibaluan nga ang Western Visayas Regional Athletic Association Meet 2026 ang nagsugod sang Marso 17, kag magatakop ini sa Domiggo Marso 22, 2026.
