-- ADVERTISEMENT --
ROXAS CITY – Ginsiguro sang pamunuan sang Roxas City PNP nga sarado ang tanan nga mga STL kag Lotto outlet sa syudad sang Roxas kag wala sang may naga-operate kasunod sa mandu ni President Rodrigo Duterte nga suspendihon ang mga gaming schemes sa idalum sang PCSO.
Ginpangunahan ni Police Lt. Col. Ricardo Jomuad, hepe sang Roxas City PNP ang pag-inspeksyon sa kapin 15 ka mga lotto kag isa ka STL outlet agud masiguro kun sila ang nagsarado.
Ginkalipay naman sang opisyal nga sa ila pagpadulong sa area sa diin nahamtang ang mga Lotto kag STL outlet, ila nakit-an nga sarado ini sa diin mismo ang mga tag-iya ang nangin compliant sa mandu sang presidente.
Nahibaluan nga ginpaskilan sang signage nga closed ang nasambit nga mga establisemento.
