ROXAS CITY – Nagpatigayon sang pagsinapol si PLt. Col. Ricardo Jomuad Jr., hepe sang Roxas City Police Station, sa mga myembro sang business sector kag courier companies sa diin gindiskusyonan ang paghugot pa sang security measures agud malikawan ang robbery kag hold-up incidents.
Sa interview sang Bombo Radyo kay PLt. Col. Jomuad, iya ginpahayag nga ginpresentar niya ang proposed security measures subong nga holiday season agud masiguro ang safety sang publiko.
Suno sa hepe, gin-abisohan niya ang mga establisimento nga mag-install sang Closed Circuit Television (CCTV) cameras sa atubang, sa kilid kag sa likod sang ila mga lugar.
Suhestyon ni Jomuad, doblehon pa ang seguridad kag entrances kag maghatag sang bastante nga suga agud mapabaskog ang proteksyon sa mga Negosyo kag komunidad kadungan sang holiday season.
