Maga upod sa patigayunon nga Dugong Bombo 2025: A little pain, a life to gain ang mga katapo sang Roxas Component City Police Station sa Nobyembre 15, 2025 sa Capiz State University-Main Campus.
Sa interview sang Bombo Radyo kay Police Major Aldren Lamera, Deputy Chief of Police sang Roxas Component City Police Station, iya ginpahayag nga importante ang pag donar sang dugo bangud nga makabulig gid ini sa tion sang emerhensya kag maka salbar sang kabuhi sang tawo.
Suno kay Police Major Lamera, makapaayo man ini sa ikaayong lawas bangud makabatyag sang maayo nga pamatyagan sa tion nga mag donar sang dugo.
Nahibaluan nga naka hightened alert status man ang Roxas Component City Police Station bangud sang Bagyo Uwan.
Pahayag pa niya, padayon ang ila nga pagbulig sa mga local government units sang tagsa ka mga kabanwahanan kag syudad sa probinsya sang Capiz kasubong sang pagpanagtag sang food packs kag sa pag rescue sang mga naga-evacuate.
Nagapanawagan man ang natungdan nga mangin aligmat kag mag-evacuate agud malikawan ang mga insidente tuga sang malain nga panyempo.
Interviewed by: Bombo Sunnie Mae Batencila and Bombo Francis Biñas via Good Morning Philippines
