Royal Air Force, nagprotesta sa delikado nga pagpalapit sang duha ka Russian Warplanes sa Black Sea

Nagpabutuyag sang kaugot ang Royal Air Force bangud sa delikado nga pagpamalabag sang duha ka Russian warplanes sa ila eroplano sa Black Sea.

Suno sa Ministry of Defence, nagpalapit ang duha ka Russian Su-35 fighter jets sa isa ka RAF surveillance aircraft nga nagabantay sa lugar.

Bangud sini, ginpaandar sang RAF ang emergency system kag gin-disable ang autopilot sang eroplano para sa seguridad.

Ginpahayag man sini nga makapila ka beses nga nagpalapit ang Russian jets sa atubangan sang RAF plane.

Sa pihak sini, ginpasalamatan ni John Healey ang mga piloto sang RAF bangud nagpabilin sila nga kalmado kag wala nagpatol sa mga Russian warplanes.