Ginkumpirma sang Russia kag Ukraine nga makigbahin sila sa panibag-o nga talakayan may kaangtanan sa kalinong.
Natalana nga patigayunon ang ika-tatlo nga US-mediated peace talks umpisa Pebrero 17 tubtob 18 sa Geneva. May yara sang duha ka peace talks ang natabo sa Abu Dhabi apang sa subong matigayunon ini sa Europa.
Pagatambongan ini sang mga tiglawas sang mga pungsod Russia, Ukraine kag US.
Sa mga tinalikdan nga peace talks, nagkasugot sila nga indi anay mag-atake sa mga energy infrastructures. Samtang sa ika-duha nga pagsinapol, nakaangkon naman sang pagbaylu-anay sang bihag.
Madumduman nga makapila na ka paliwat-liwat ang ginsiling ni US Pesident Donald Trump nga luyag niya nga tapuson ang kinagamo sa Russia kag Ukraine sang halos apat na ka-tuig.
