Nag-igo ang duha ka Russian airstrike sa isa ka medical center sa Ukraine sa Sumy samtang nagabalhin ang pila ka mga pasyente kag staff sang isa ka ospital.
Suno kay Ukraine Interior Minister Ihor Klymenko, sa una nga airstrike napatay ang isa ka mga staff sang ospital samtang sa ikaduha nga pag-igo sang drone pila ka mga pasyente naman ang nangin biktima sini nga nagresulta sang pagkapatay sang 9 ka inidbidwal kag pagkapilas sang 21 ka tawo.
Gin-anunsyo man ni Sumy acting Mayor Artem Kobzar nga pila ka lokal nga opisyal ang nakanotisyar nga ang gingamit sang Russia sa pag-atake amo ang mga Shahed drones.
Una na diri, ginreport nga naigo manm sang isa ka airstrike ang nakatungdan-nasidlangan nga bahin sang Kharhiv sa siyudad sang Slatyne kahapon kun sa diin tatlon ka tawo ang napatay samtang tatlo man ang pilason nga ginkumpirma naman ni Gov. Oleh Syniehubov.
