Gin-iskedyul sang Sandiganbayan ang hearing sa nabilin nga kaso nga graft ni Senador Jinggoy Estrada may kaangtanan sa gin-alegar pagsaylo sang masobra P200 million sa pork barrel funds para sa Marso 10 kag Abril 18.
Ini matapos nga ginpaisol ang trial nga natalana kuntani kahapon sang aga matapos nga nag-file sang mosyon ang duha ka co-accused ni Estrada nga i-waive ang ila cross-examination sang abogado sang Senador.
Suno sa layi, ginapatigayon ang cross-examination agud testingan ang kamatuoran sang mga pahayag sang mga testigo pinaagi sa direct examination ukon questioning.
Ginsuportahan naman sang anti-graft court ang motion sang akusado nga i-reschedule ang trial sa Marso kag Abril.
Matandaan nga sang Oktubre 1, ginpanginwala sang Sandiganbayan ang motion ni Estrada nga ibasura ang iya nabilin nga kaso sang graft bangud sa kakulang sang merito.
Sang Enero 2024, si Estrada gin-abswelto sa kaso nga plunder apang napamatud-an nga guilty sa isa ka kaso sang direct bribery kag duha ka kaso sang indirect bribery. Apang ginbaliskad sang korte ang desisyon sang Agosto 2024 bangod sang kakulang sang ebidensiya.
