Santorini, Greece, nagdeklarar sang State of Emergency bangud sa pagtay-og sang linog sa lugar

Ginpaidalum sa state of emergency ang Santorini sa Greece matapos ang pag-igo sang linog.

Mahibaluan nga gintay-og sang 5.2 magnitude nga linog kung sa diin ginakabig nga tuman nga nag-igo sa lugar.

Suno sa Greek Civil Protection Ministry, mangin epektibo ang nasambit nga state of emergency tubtob Marso 3.

Luwas naman nga gin-evacuate ang ginapahayag 11,000 nga mga indibidwal nagikan sa islan.

Ang amu nga isla isa ka sikat kag ginpadulungan sang mga turista kung sa diin kada tuig indi magnubo sa 3.4-M nga turista ang nagapadulong diri.

Mahibaluan nga masami nga nakaeksperyensya sang pagtay-og ang Santorini bangud ini makit-an sa lapnagon nga tectonic plates sang African kag Eurasian.