Sapian PNP nagpatigayon sang inspection matapos ang report nga ginahimo sang sugalan ang waiting shed sa Barangay Lonoy, Sapian

ROXAS CITY – Nagpatigayon sang inspeksyon ang Sapian PNP sa Sitio Asag, Barangay Lonoy banwa sang Sapian matapos ang report nga ginahimo pasugalan ang waiting shed sa amu nga lugar.

Suno sa Sapian PNP, gilayon nila nga ginpadulungan ang lugar agud imbestigaran ang reklamo sang isa ka concerned citizen sa Bombo Radyo Roxas nga ginahiwatan sang illegal nga pasugal ang amo nga waiting shed, apang pag-abot sa lugar wala sang naga-witness kag naga-ako nga naga-intra sa amu nga buluhaton.

Nakipag-dayalogo na sila sa mga opisyales sang barangay para sa masangkad nga monitoring kag pagtapna sa mga illegal nga buluhaton sa lugar. Nagapasalig ang Sapian PNP nga kung mamonitoran nila ang mga nagasugal sa lugar ila ini pagaarestohon.