Pormal nga nagpungko bilang bag-o nga Bise Alkalde sa Banwa sang Panay si Sangguniang Bayan (SB) member Paolo Besa.
Matandaan nga nagtaliwan sang Enero 31 ang nagapungko nga Bise Alkalde nga si Vice Mayor Julius Asis.
Sa interview sang Bombo Radyo kay Panay Mayor Jonathan “Sonny” Besa, iya ginpahayag nga sandig sa Local Government Code, ang 1st elected SB member ang otomatiko nga magabulos sa pwesto kon may magtaliwan, mag-resign, ukon masipa sa pwesto ang opisyal.
Suno kay Mayor Besa, nga luyag anay sang LGU-Panay nga hatagan sang tyempo kag pagkilala ang serbisyo ni anay Vice Mayor Julius Asis.
Samtang nagapabilin naman nga bakante ang puwesto ni Besa sa Sangguniang Bayan samtang preparar ang lokal government sang necrological service bilang paghatag pasidungog kag pagpasalamat sa serbisyo sang nagtaliwan nga Bise Alkalde.
