-- ADVERTISEMENT --
Ginhugtan sang mga otoridad sa Mexico ang seguridad kasunod sang pagkapatay sang apat ka mga fans matapos ang selebrasyon sang pagdaog sang Mexico kontra Ecuador sa Round of 32 sang FIFA World Cup 2026.
Suno kay Bombo Julius Besejos Lerdon, international correspondent sa Mexico, ginpadeploy ang dugang nga mga kapulisan sa lugar agud masiguro ang seguridad sang publiko kag malikawan ang amo nga insidente.
Ginpahayag man ni Lerdon nga padayon ang imbestigasyon sang mga otoridad agud mahibaluan ang bug-os nga sirkumstansya sang natabo.
Sa pihak sang trahedya, nagapadayon ang kampanya sang Mexico sa FIFA World Cup 2026 matapos makasulod ang koponan sa Round of 16.
