Nagbilin na sang P80.80 million nga balor sang kahalitan sa sektor sang agrikultura ang pila ka adlaw nga pagpanalasa sang bagyong Kristine sa pungsod.
Base sa damage assessment sang Department of Agriculture (DA), nakaapekto ang kalamidad sa kabug-usan nga 2,864 ka mangunguma sa Cordillera, MIMAROPA, Bicol kag Western Visayas.
Ang balor sang production loss ang ginabulubanta yara sa 5,287 metriko tonelada ang 1,570 ka ektarya sang agricultural land.
Samtang nagapadayon naman ang damage assessment sa field, ginalauman nga ang kahalitan kag piyerde sa sektor sang agrikultura ang magataas pa kasubong man ang posible maapektuhan pa ang dugang nga commodities.
Kaangut sini, nag-andam na ang ahensiya sang mga interbensiyon para sa mga apektado nga mangunguma kalakip na ang agri inputs, loan nagikan sa Survival and Recovery program kag indemnification sang mga apektado nga insured farmers pamaagi sang Philippine Crop Insurance Corp.
