Mahimo nga makapakita na sa publiko si Senator Ronald “Bato” Dela Rosa, matapos ang pila man ka bulan nga indi sini pagtambong sa mga session sa Senado.
Apang indi ini sa Senado mapadulong kundi sa Baguio City.
Sa sulat ni Dela Rosa kay Senate President Vicente Sotto III, nagahingyo ini nga maggamit sang Senate Mansion upod ang iya pamilya sa Baguio humalin Marso 26 tubtob 29, kadungan sang CSAFP Cup 2026, isa ka shooting competition nga ginapartisiparan sang mga uniformed services sang pungsod.
Nahibaluan nga humalin Nobyembre 2025, wala na nakapakita pa sa Senado si Dela Rosa, sang ginbuyagyag ni Ombudsman Jesus Crispin Remulla nga may yara sang ginaalegar International Criminal Court (ICC) arrest warrant nga gin-issue batuk sa senador.
Si Dela Rosa ang ginpangalanan bilang co-conspirator sa crimes against humanity nga gin-file batuk kay former president Rodrigo Duterte bangud sa maduguon nga war on drugs sang anay administrasyon.
