Nag-file si Senator Jose Jinggoy Ejercito Estrada sang travel clearance application sa Sandiganbayan 5th Division para sa iya natalana nga pagbisita sa Hong Kong, Macau, kag Japan humalin Marso 31 tubtob Abril 5.
Kinahanglan ni Estrada nga pormal nga magpahibalo kag magpangayo sang pahanugot sa anti-graft court sa tagsa niya ka byahe sa luwas sang pungsod bangud may yara pa ini sang 11 ka pending nga kaso sang graft nga ginapangatubang.
Ang nabilin nga mga kaso ni Estrada ang may kaangtanan sa isyu sang Priority Development Assistance Fund (PDAF), sa diin una na nga abswelto si Estrada sa kaso nga plunder. Ginbaliskad man sang korte ang iya conviction sa direct kag indirect bribery sang Agosto.
Nagapalapit sa korte ang senador agud magbiyahe sa tunga sang bag-o nga kontrobersiya.
Matandaan nga gin-akusaran ni Former Department of Public Works and High Ways Assistant district engineer Brice Hernandez si Estrada nga gin-alegar naghingyo sang 30 percent nga pagbuhin sa P355 million nga alokasyon para sa flood control projects sa Bulacan.
Apang, mabaskog nga ginpanginwala ni Estrada ang alegasyon kag nagapanindugan nga ang nagligad niya nga involvement sa PDAF amo ang rason kon ngaa mahapos siya nga target sang mga akusasyon sang korapsyon.
