Senado, handa na nga talakayon ang indi nagakaigo nga paggasto sang flood control budget

Magahiwat sang hearing ang senado sa indi nagakaigo nga paggasto sang budget para sa flood control.

Suno kay Senator Erwin Tulfo, nahisugtan na sang iya mga kaupdanan nga senador ang nasambit nga isyu kun sa diin may yara na sila sang ginpasaka nga hagna.

Gintumod man sini ang hagna nga gin-file ni Senate President Chiz Escudero nga nagadumili sa mga opisyales sang gobyerno, mga mamalidha kag mga himata tubtob sa 4th degree of consaguinity kag affinity sa pagkuha sang anuman nga kontrata sang gobyerno.

Samtang ginakasubo ni Senador Panfilo Lacson nga masobra P2 trilyon na ang gasto sang gobyerno sa flood control sa nakaligad nga 15 ka tuig apang wala gihapon sang mga pagbag-o.