Natalana nga ipatawag ang Department of Foreign Affairs (DFA) angut sa imbestigasyon sa submersible drone nga nakit-an sang mga lokal nga mangingisda sa San Pascual, Masbate.
Ang amo nga drone may kalabaon nga anom ka tapak kag human sa PVC kag asero. Ang drone ginapatihan nga isa ka remote-controlled drone nga posible ginagamit para sa komunikasyon kag nabigasyon sa idalom sang tubig.
Nahanungod sini, wala pa sang opisyal nga pahayag ang Chinese Embassy sa Manila, kag suno sa ila ginpalab-ot na nila ang mga pamangkot gikan sa media sa Beijing para sa dugang nga paathag.
Ini nga kakulang sang sabat nagtulod sa mga panawagan para sa maid-id nga imbestigasyon sa insidente, sa diin ang Senate Majority Leader nga si Francis Tolentino nag-anunsyo sang iya plano nga mag-file sang resolusyon agud usisaon ang ginhalinan sang drone kag ang posible nga implikasyon sini sa seguridad sang Pilipinas.
Suno kay Tolentino, nagapadayon sa karon ang imbestigasyon sang naval intelligence, apang nakumpirmar nga halin sa iban nga pungsod ang drone, kag ang yellow color sini ang nagapakita nga ginagamit ini sa scientific research.
