Nagpabutyag si Senador Imee Marcos sang iya panghuna-huna kay Presidente Ferdinand Marcos Jr kag sa pila niya ka mga himata may kaangtanan sa mga isyu nga gina-atubang sang pungsod.
Sa isa ka video post, apat ka mga plakard ang ginbutang nga may mga pangalan nanday Presidente Marcos, Cong. Sandro Marcos, Cong. Martin Romualdez, kag Liza Marcos.
Sa amo man nga tion, ginpamangkot ang senador kon sin-o sa apat ang iya pinakadisgusto.
Suno kay Senator Imee, naluoy siya kay Cong. Sandro Marcos bangud “kabata-bata” pa ini kag naabtan sa kagamo nga gina-atubang sang pungsod.
Nagpabutyag man ini sang iya kasubo para sa iya utod nga si Presidente Marcos Jr., “36 years namin inasam-asam ito, pinagtrabaho, pinagdasal—nasayang e!,”siling ni Imee.
Samtang, gin-ako sini nga labaw pa sa kaakig ang iya balatyagon sa iya pakaisa nga si anay House Speaker Martin Romualdez.
Ang senadora nag-usisa man sa asawa ni Presidente Marcos, si Liza Marcos, “E, hindi ko naman kamag-anak ‘yan e, hindi ko naman kaano-ano,”
