Senador Jinggoy Estrada, nagpamuyayaw sa plenaryo sang Senado matapos ma-involve siya sa Korapsyon

Wala mapunggan ni Senador Jinggoy Estrada nga magpamuyayaw sa plenaryo sang senado matapos siya madalahig sa ginaalegar korapsyon sa flood control projects.

Suno sa senador, wala ini sang klaro nga basehan kag ginahalinan lamang sang malisyoso nga impormasyon.

Hugot man nga ginpanginwala sang senador ang alegasyon nga nagapangayo siya sang komisyon sa mga proyekto sang gobyerno.

Dugang pa sini, handa man siya nga magpirma sang waiver agud mabuksan ang iya mga bank accounts kun bala matuod ini nga nagakuha siya sang “kickback” sa mga government projects.

Sa katapusan, naghingyo si Estrada nga ang iya pagpamuyayaw dulaon sa rekord sang Senado.

Isa ka butang nga gin-aprubahan ni Senate President Vicente “Tito” Sotto III.