Nag-file sang hagna si Senate Majority Leader Juan Miguel “Migz” Zubiri nag-file nga nagatinguha nga i-reset ang una nga parliamentary elections sang Bangsamoro Autonomous Region in Muslim Mindanao (BARMM) sa Marso 30, 2026.
Ang Senate Senate Bill No. 1587, nagaduso sa pag-amyenda sang Bangsamoro Organic Law (BOL) agud maklaro ang legal nga basehan para sa eleksyon kag ibutang ang pagsugod sang termino sang mga elected officials sa Abril 30, 2026.
Nagalakip man ini sang pag-consolidate sang masunod nga eleksyon sa Bangsamoro Autonomous Region in Muslim Mindanao (BARMM) upod ang national elections sa 2028 kag kada tatlo ka tuig pagkatapos sini.
Suno kay Zubiri, masobra anum ka tuig na ang nakaligad humalin sang gintukod ang Bangsamoro Autonomous Region in Muslim Mindanao (BARMM) apang indi gihapon makaboto ang mga pumuluyo sa ila kaugalingon nga mga lideres, bagay nga suno sa iya kabaliskaran sa katuyuan sang self-governance kag self-determination sang rehiyon.
Dugang pa sang senador nga ang delay tuga sang mga desisyon sang Korte Suprema nga nagkakas sa Sulu bilang kabahin sang BARMM kag nag-scrap sang 2025 redistricting law sang Bangsamoro Parliament, nga nagdul-ong sa bag-o nga preparasyon sang mga distrito kag election structures.
Sa idalum sang proposal, magapabilin bilang interim government ang Bangsamoro Transition Authority tubtub nga mapilian kag mapapungko ang mga bag-o nga opisyal pinaagi sa automated elections.
