ROXAS CITY-Ginreklamo sa Roxas City Police Station ang senior citizen nga nagpakilala nga Director sang National Bureau of Investigation (NBI) matapos ginaalegar nagpangmulay, nagpanapal kag nagpangmomo sang tricycle driver kag traffic aide sa Barangay Lawaan, Roxas City.
Ginkilala ang mga tagareklamo nga sanday Ernilo Bascos, tricycle driver sang Barangay Adlawan sining siyudad kag Danilo Bautista, traffic aide kag residente sang Barangay Barra sining siyudad.
Sandig sa alegasyon ni Bascos nga ginsita ini sang suspek nga si Leopoldo Andrada Jr. residente sang Sitio Pili, Barangay Dinginan sining siyudad sang nagluntad ang indi pag-intindihanay sa tunga ni Bascos kag Andrada kun sa diin nagpakilala pa ini nga Director sang NBI.
Apang hinali nga gindapal kag ginmulay ini ni Andrada.
Samtang ginastekyar naman ang dokumento ni Andrada sang traffic aide nga si Bautista ginaalegar nga ginmomo ini sa tanke sang motorsiklo sang suspek.
Bangud dir, ginpakamaayo sang duha ka mga biktima nga ipabalhag ang amo nga insidente.
Apang pila ka oras ang nakaligad naghusay man ang magtimbang nga grupo.
