Patay ang isa ka senior citizen, matapos magluntad ang aksidente sa Barangay Linayasan, Altavas, Aklan.
Ginkilala ang napatay nga si Diosebel Dalayday, 62-anyos kag residente sang Barangay Poblacion, Makato, Aklan, samtang ang ginapahayag driver suspek ang ginkilala kay Larico Fajemos Jr, 45-anyos kag residente sang Barangay Santo Angel, Dumalag, Capiz.
Sa impormasyon nga nakuha sang Bombo Radyo nagikan sa Altavas Municipal Police Station, ginpahayag sini nga samtang ginasubay ni Dalayday ang National Highway nagikan sa Batan kag padulong kun tani sa Makato, Aklan sakay sang motorsiklo sini nga Suzuki Gixxer nagaduag asul, apang pag-abot sa lugar kun sa diin ginluntaran sang insidente aksidente nga bumunggo ini sa ginamaneho nga Sinotruk Howo Dumptruck nagaduag puti sang ginapahayag driver suspek nga yara sa pihak nga linya.
Madasig naman nga ginpadangat sa Altavas Hospital ang biktima agud kun tani hatagan sang nagakaigo nga pagbulong apang gindeklarar ini nga dead on arrival sang doctor.
Sa karun yara na sa kustodiya sang Altavas MPS ang ginapahayag suspek para sa nagakaigo nga disposisyon.
