Ginkakas sang host/actress Shuvee Etrata ang iya nga official X account pila ka adlaw matapos siya nga ginpakamalaot sang netizens bangud sa iya old video nga nagadepensa kag nagabutayag sang simpatiya para kay anay Presidente Rodrigo Duterte.
Umpisa sang Setyembre 28, indi na ma-acess sang mga netizen ang iya nga X account.
Apisar sang natabo, aktibo sa gihapon ang actress sa Instagram sa diin nag-post siya sang iya pictures nga may caption nga “Padayon lang ta”.
Nag-umpisa ang kontrobersiya sang naglapta ang isa ka screen-recorded video sang aktres sadto nga nagapakita sang iya simpatiya sa pagdakop kay Duterte kag gindala sa International Criminal Court (ICC) sang Marso.
Samtang, gindepensahan naman siya sang iya ka tiyo kag handler nga si Yure, amo man ang head sang iya network, kun sa diin ila ginpahayag nga indi “diehard” fan si Shuvee sang bisan sin-o nga pulitiko.
