Sigma, Capiz – Nagpakigbahin ang Sigma Municipal Police Station sang mga accomplishment sang ila talatapan sa bulan sang Enero tubtob Oktubre sang subong nga tuig 2025.
Sa interview sang Bombo Radyo kay Police Executive Master Sergeant Cheryl Caporal, municipal executive senior police officer sang Sigma Municipal Police station, iya ginpakigbahin ang mga accomplishments sang ila nga talatapan agud mapabilin ang kalinong kag katawhay sang palibot.
Ang mga accomplishment ang resulta sang nagkalain-lain nga kampanya nga ginpatigayon sa amo nga panahon.
Sa kampanya batuk sa mga wanted person, may yara sang 2, isa sa provincial level , isa sa municipal level kag 4 pa ka iban nga most wanted persons.
Sa kampanya batuk sa paghupot sang iligal nga armas-luthang, may yara sang 3 ka na-recover , may 9 ka nagsurrender.
Sa kampanya batuk sa illegal nga droga, may yara sang isa nga nadakpan.
Sa kampanya batuk sa illegal gambling, may yara sang 4 ka nadakpan.
Suno pa kay kay Police Executive Master Sergeant Caporal, handa naman ang talatapan kag nakahimo na sang deployment plan sa kada patyo sa palaabuton nga tigkalalag.
Pahayag pa niya, daku gid nga bulig ang ginahatag sang local government unit kag barangay council sa pagpatigayon sang mga kampanya batuk sa iligal nga buluhaton kag krimen.
Nagapanawagan man ang natungdan sa kooperasyon sang tanan nga pumuluyo sang banwa sang Sigma agud padayon nga mapabilin ang kalinong klag katawhay.
