ROXAS CITY – Mas hugot nga pagbantay ang ginahimo sa St. Therese de Avila, sa Barangay Loctugan, Roxas City kasunod sang pagpangawat sa donation box nga nagaunod sang kuwarta.
Sa interview sang Bombo Radyo Roxas kay Punong barangay Lilian Cordinillo sang Barangay Loctugan, ginpahayag sini nga naka-alerto sa karon ang mga residente, parishioners mangin ang mga barangay tanod kag buligay sa pagbantay sa simbahan para indi na masundan ang hitabo.
Nagpatawag na sang emergency meeting si Kapitan Cordinillo sa konseho sang barangay sa diin gintalakay ang himoon nga tikang para mabantayan ang ila nga simbahan.
Samtang bangud ginkawat sang mga suspek ang speaker kag amplier nga ginagamit sa simbahan isa ka isang punong barangay sa Roxas City ang nangin maalwan sa paghatag sang mixer, amplier kag duha mikropono sa nasambit nga simbahan para magamit sa Semana Santa.
