ROXAS CITY – Proud ang director sa basketball sang ST. Joseph Technical Vocational Center matapos naangkon ang kampeonato sa CAPRISA meet 2024.
Suno sa director nga si Fr. Gybbyn Gumban, bugal para sa ila eskwelahan ang ila kadalag-an kasubong man dako nga bagay para sa tanan nga nagasuporta sa grupo.
Bilang first time sa pagpasakop sang CAPRISA meet indi suno madali ang ila preparasyon nga mga coaches kag sa mga kabataan agud maangkon ang kadalag-an.
Sa pagpakigbahin naman sang mga team key players nga sanday Axl Jhay Tupaz (Team Captain), Hanz Tyrone Dumol, and Nel Bernard Coronado, ginpahayag sini nga determinasyon kag pgasalig sa kaugalingon ang nangin bitbit sa court sang amo nga players.
Suno sa ila, sa pagsugod sang ila training para sa nasambit nga hampang nangin mabudlay na para sa ila ibalanse ang oras sa praktis kag sa pagtuon apang time management lang kinahanglan agud malab-ot ang handom ilabi na sa hampang.
Ginhimo man sini nga motibasyon ang ila mga naagyan sa training pa lamang tubtob sa mismong hampang.
Dako ang man ang ila pagpasalamat sa mga tawo nga nangin rason sa ila naangkon nga kadalag-an; ang ila nga mga coaches, teachers, classmates kag bug-os nga St. Joseph Technical Vocational Center.
Sa subong, gina-look forward na sini ang masunod nga hampang sa masunod nga tuig kag suno sa ila mas hatagan pa sang tion ang pagpraktis agud mapabilin sa ila mga kamot ang kampeonato. //
