Supermarket Owners, nagpahanumdom sa publiko nga likawan ang Panic Buying

Nagpahanumdom ang mga supermarket owners sa mga manugbakal nga likawan ang mag-panic buying.

Ini kasunod sang pagtaas sang pangkalibtanon nga presyo sang langis nga dala sang nagapadayon nga tensyon sa Middle East.

Bangod sini, posible man nga magsaka ang presyo sang mga basic necessities sa Pilipinas.

Suno kay Steven Cua, presidente sang grupo, ang pagtaas sang presyo sang langis mahimo man makaapekto sa presyo sang halos tanan nga mga produkto.

Ginpahayag man niya nga kun magsaka ang presyo sang krudo sa bisan diin nga pungsod, magadala man ini sa pagmahal sang iban pa nga gasto pareho sang labor, kuryente kag fuel.