SOUTH KOREA – Mabatyagan na sang mga Overseas Filipino Worker (OFW) ang epekto sang Coronavirus Disease- 2019 (COVID-19) sa Yongsan-gu Seoul, South Korea.
Ini matapos nga nagakaubos na ang mga baligya sa mga supermarkets kag mga online shopping sites.
Sa report ni Bombo International Correspondent Noreen Joyce Guerra sang Barangay Milibili, Roxas City kag apat ka tuig nga nagatrabaho sa South Korea, nga out of stock na sa karon ang nagapanguna nga mga balaklon kasubong sang karne, utanon, prutas, condiments kag iban pa.
Tuman ka taas ang presyo sang face masks sa diin nagalab-ot sa 4,000 won nga katumbas sa P200 kada isa.
Aminado si Guerra nga may kahadluk man sila nga nabatyagan labi na kun makabati sila nga may nadugang sa death toll, apang nagahimo sila sang precautionary measures kasubong na lamang sang paggamit sang face mask kag indi pagpadulong sa mga public places para malikawan ang COVID-19.
