Suspek sa nagluthang-patay sa isa ka senior citizen, anay barangay kagawad sa Sitio Mantawad, Barangay Malag-it, Pontevedra, Capiz.
Sa exclusive interview sang Bombo Radyo sa utod sang suspek, nahibaluan nga nakaserbe pa ini sang duha ka termino bilang barangay kagawad kag nagpapili pa ini duha ka beses bilang punong barangay sa nasambit nga lugar apang napaslawan ini nga magdaog.
Matandaan nga ginkilala ang suspek kay Jovannie Abulocion Catalan, 46-anyos kag residente sang nasambit nga lugar.
Nahibaluan nga may nagluntad nga mainit nga pagbina-isay sa tunga sa magtimbang nga bahin kabangdanan nga nagresulta sa pagpangluthang.
Bangud sini, nag-angkon sang patal nga pilas ang biktima sa dughan kag gilayon man ini ginpadangat sa Bailan District Hospital apang gindeklarar ini nga Dead on arrival sang doktor nga nag-atendir.
Sa karon, yara na ang bangkay sang biktima sa isa ka punerarya sa syudad sang Roxas samtang nagapadayon naman ang hot pursuit operation sang Pontevedra MPS batuk sa nasambit nga suspetsado.
