Suspek nga nagluthang sa isa ka lalaki sa banwa sang Pilar, padayon nga at-large; pamilya sang biktima desidido magpasaka sang kaso

ROXAS CITY – Nagapabilin nga at-large ang 36-anyos nga suspek nga nagluthang sa isa ka lalaki sa Sitio Bakwit, Barangay Dulangan, Capiz.

Ginkilala ang suspek kay Herbert Bacay, residente sang nasambit nga barangay.

Matandaan nga masuwerte nga wala naigo si Remus Villarde matapos nga makaduha ka beses nga ginpalukpan sang suspek, apang madasig ini nga nagsulod sa iya balay.

Narekober sa lugar ang duha ka mga baseyo sang ginapatihan .45 calibre nga armas-luthang.

Sa karon, desidido nga magpasaka sang panumbongon ang pamilya sang biktima.