CAPIZ- Nangin isa ka tikang ang pag-suspend sang renewal kag pagkuha sang permit sang quarry kag mining
companies agud ma-preserba ang mga dunang manggad sang probinsya sang Capiz.
Sa interview sang Bombo Radyo kay Ronald Cullo, Head sang Capiz Provincial Environment and Natural Resources, iya ginpahayag nga ang nasambit nga suspension ang sandig sa Executive order no. 27 nga
nagapagwa sang direktiba agud temporaryo nga suspendihon ang renewal, under processed kag bag-o nga aplikasyon sang permit sang mga quarry kag mining companies.
Suno kay Cullo, ang asud-asud nga bagyo nga na-eksperyensyahan sa probinsya ang isa sa rason sang suspensyon amo man ang panawagan sang Department of Environment and Natural Resources (DENR) kag mga pumuluyo sang pila ka mga kabanwahanan nga kinahanglan nga i-strikto kag i-review ang mga polisiya kag pagsulundan agud malikawan ang pagpang abuso sa palibot.
Pahayag pa niya, pagapasangkaron sang talatapan ang pagmonitor sang mga naga-bayolar sa layi kag ang pagdugang sang mga requirements agud ma-tsekyar ang kahandaan sang kompaniya sa pagpatigayon sang operasyon.
Nagpanawagan man ang natungdan sa publiko nga magbuligay ang tanan sa pag-protekta sang palibot bangud kun maayo kita sa atun palibot, mangin maayo man ang balik sini.
Interviewed by: Bombo Francis Biñas via Zona Libre
