Nagpatigayun na sng manhunt ang mga otoridad kasunod sang pagpalagyo sang tatlo ka detainee nagikan sa Fishport Custodial Taytay Facility sa probinsya sang Rizal.
Ginkilala sang Taytay Municipal Police Station (MPS) ang mga suspek nga sanday Danny Boy Cancino kag Ronald Barrera nga pareho nagapangatubang sa drug charges kag ang pangatlo ang ginkilala nga si Kurt Cavasal, nagapangatubang sa kaso nga illegal possession of firearms.
Suno sa opisyal nga report sang PNP, isa ka prison guard ang nakadiskubre sa jailbreak sa nasambit nga pasilidad.
Sa kasagsagan sang malain nga paniyempo ginguba sang mga ini ang metal frame sang pasilidad nga nagaserbe nila nga kulungan bag-o dalayon nga nagpalagyo.
Ang nasambit nga pasilidad ang yara sa Samagta Floodway, Barangay San Juan, Taytay.
Nag-tan-ay naman ang Taytay PNP sang reward nga tig-P10,000 para sa tagsa ka nagpalagyo nga preso, kabaylo sa anuman nga impormasyon para sa ila nga pagbalik sa presohan.
