Tatlo ka mga indibidwal, patay sa airstrike sang Israel sa Lebanon

Tatlo ka tawo ang napatay sa pag-atake sang Israel sa Sidon City, Lebanon.

Suno sa Lebanese Ministry of Health, nagasakay sa salakyan ang mga biktima sang naigo sila sang Israeli airstrikes sa Quneitra Road.

Ini ang pinakaulihi nga paglapas sang Israel sa ceasefire agreement sini sa Hezbollah.

Gin-athag sang Israeli military nga ila ginpuntirya ang mga miyembro sang Hezbollah sa Sidon Area sa nasambit nga airstrikes.

Natabo ang pag-atake isa ka adlaw matapos ang Israreli airstrike sa southern Lebanon nga nagpatay sang isa ka tawo kag nagpilas sang duha ka iban pa.