ROXAS CITY-Ginkompirmar sang lokal nga gobyerno sang banwa sang Pontevedra nga may yara sang tatlo ka mga panibag-o nga kaso sang COVID-19 nga napagkit sa nasambit nga banwa.
Sa official statement nga ginpaguwa ni Pontevedra Mayor Esteban Contreras ginpahayag sini nga lunsay mga Locally Stranded Individuals ukon LSI ang nagpositibo sa amo nga sakit.
Ang mga nagpositibo nga LSI ang ginakalakipan sang mga masunod.
1. 22-anyos nga lalaki nga residente sang Barangay Rizal, Pontevedra Capiz nga may yara sang history of travel sa Pasay City.
2. 32-anyos nga babayi nga residente sang Barangay Rizal, Pontevedra Capiz nga may yara sang history of travel sa Pasay City.
3. 65-anyos nga lalaki nga residente sang Barangay Hipona, Pontevedra Capiz nga may yara sang history of travel sa Laguna.
Gin-athag ni Contreras nga wala na makaguha ang mga nagpositibo nga LSIs bangod sa ila nga pag-abot sa probinsiya, gilayon sila nga ginpahamtang sa tagsa ka mga Barangay Quarantine Facility.
Sa karon nagapabilin nga asymptomatic ang mga nagpositibo samtang ginapaidalom sa quarantine sa Provincial Temporary Treatment and Monitoring Facility (PTTMF).
