-- ADVERTISEMENT --
ROXAS CITY – Nagdangat sa kapin P3,000 ang balor sang grocery items kag isa ka relo, ang ginkawat sang 38-anyos nga lalaki sa isa ka tiyangge sa Barangay Pangabuan, Jamindan, Capiz.
Ginkilala ang suspek kay Ernes Laudito, kag residente sang amu nga barangay.
Sandig sa impormasyon nagikan sa mga katapo sang Jamindan MPS, nga mga alas-3:30 kahapon sang Martes, Hunyo 7, ginpahayag nga ginsulod ni Laudito ang tiyangge ni Salvacion Balbona, pinaagi sa pagbringka sang pertahan sang amu nga balaligyaan.
Madasig man nga nadakpan ang amu nga suspek kag nakuha sa iya paghinakop ang ebidensya nga iya ginkawat, kag ginkustodiya sa nasambit nga police station.
