ROXAS CITY- Arestado ang isa ka lalaki nga ginakabig Top 9 Regional Level Most Wanted Person matapos ginserbihan sang mandamiento de aresto sa Barangay Poblacion Proper, Mambusao, Capiz.
Ginkilala ang nadakpan kay alyas “Toto”, 50-anyos kag residente sang Barangay Caidquid sa nasambit nga banwa.
Mahibaluan nga ang akusado ang nagapangatubang sang kaso nga murder.
Ginserbi sang mga otoridad ang warrant of arrest nga ginpapanaog kag pirmado ni Presiding Judge Rommel L. Leonor, sang Regional Trial Court, Branch 21, hall of justice Mambusao, Capiz nga napetsahan sadtong Abril 4, 2023.
Samtang, wala naman sang may ginrekomendar nga piyansa ang korte para sa temporaryo nga kahilwayan sang akusado.
Sa karon, yara na ini sa kustodiya sang Mambusao Municipal Police Station para sa nagakaigo nga disposisyon.//
