Napadala na sa International Criminal Court (ICC) ang transcript sang pagdinig sa Senado sang Lunes, Oktubre 28 kun sa diin nag-ako si anay Presidente Rodrigo Duterte sa extrajudicial killings (EJK) sa war on drugs.
Ini ang ginbuyagyag sang hayagan nga kritiko ni Duterte nga si anay Senator Antonio Trillanes IV sa iya account.
Suno kay Trillanes, nauna na man nga ginpadala sa ICC ang transcripts sang imbestigasyon sang House Quad Committee.
Gintuad man ni Trillanes nga ang tanan nga mga ini ang magamit sa trial.
Sa nangin pagdinig sa Senado, gin-ako sang anay Presidente nga may death squad nga ginapahayag nga responsable sa pagpatay sa mga drug suspect sang Mayor pa ini sang Davao city.
Ginkumbinsi man suno sini ang pila ka mga police official nga patyon ang pila ka mga indibidwal nga mga kriminal apang indi naman suno gintuman ang iya nga mando.
Maluwas diri, gin-ako man ni Duterte nga ginmandu nya nga “i-encourage” ang mga drug suspect nga magbato para kun magbato ang mga ini agud patyon ang mga ini.
Samtang, nauna naman nga ginpahayag ni Senate President Francis ‘Chiz’ Escudero nga wala pa sang nabaton ang Senado nga anuman nga pormal nga komunikasyon halin sa ICC angut sa imbestigasyon sa war on drugs.
