Magapapili bilang pagka-bise alkalde sa 2025 midterm election ang isa ka transwoman sa banwa sang Pilar.
Sa interview sang Bombo Radyo kay Miss Amber Patricio, ginpahayag sini nga 101% na ini ka-preparado nga magsulod sa patag sang politika.
Nagtapos si Patricio sa kurso nga Political Science kag bilang isa ka pribado nga indibidwal, boluntaryo naman ini nga nagabulig sa publiko.
Kun mahatagan sang kahigayunan nga makapungko bilang bise-alkande sang banwa, pagatutukan ni Patricio ang pagbulig sa mga senior citizen nga mapatawhay ang pagkuha sang ila benepisyo nagikan sa gobyerno, magahatag man ini sang additional job opportunities sa mga kababainhan nga makabulig sa pang-adlaw-adlaw nga pagpangabuhi kag pagahatagan man sini sang recognition ang mga kabataan nga nagahatag dungog sa banwa sang Pilar.
Dugang pa ni Patricio nga ang tanan nga magapapili sa palaabuton nga piniliay, patas. Yara lang man ang mga ini sa pareho nga tuyo kag handum nga maghatag sang serbisyo sa mga pumuluyo.
Nagpabilin man si Patricio sang mensahe para sa mga bisexual nga nagatago pa sang il matuod nga sekswalidad sa publiko, ginarespeto sini ang ila prefer gender. Dugang pa sini, “Be proud whoever you are because the society will accept you whatever happen.”
Ginsabat man ni Patricio ang mga indibidwal nga nagakwestyon sa personalidad sini, suno sa iya, ginarespeto sini kun ano man ang mahambal sa iya. Dugang pa sini, “it’s either you accept me or you will not accept me.”
Mensahe naman sini sa pumuluyo sang banwa sang Pilar, excited na ini nga magserbisyo sa iya pinalangga nga Pilareño.
