Ginsiguro ni anay Sen. Antonio Trillanes IV nga may bastante ini nga impormasyon kag ebidensya sa gin-file sini nga kaso batuk kanday anay Presidente Rodrigo Duterte kag Sen. Christopher “Bong” Go.
May kaangtanan ini sa ginsulod nga frigate deal sang nakaligad nga administrasyon.
Personal nga nagpadulong sang tinalikdan nga Miyerkules sa Department of Justice (DOJ) si Trillanes kag dala ang tambak sang mga dokumento.
Reklamo nga plunder batuk kay anay Presidente Duterte, Sen. Bong Go kag iban pa nga opisyal sang anay administrasyon ang ginpataw sini.
Kalakip man sa mga ginkasuhan sanday anay Defense Usec. Raymundo Elefante, anay Budget Usec. Lloyd Christopher Lao, kag anay Philippine Navy (PN) chief Admiral Robert Empedrad.
Nangin rason ini sa P16 billion nga Philippine Navy Frigate Acquisition Project nga gin-intrahan suno diri sang duha bisan may iban nga rekomendasyon ang mga nagatatap nga opisyal.
Nagapati si Trillanes nga may anomalya sa pagpatuman sang nasambit nga proyekto. Antes ini, nag-file man sang kaso si Trillanes sang tinalikdan nga Hulyo 5 bangus sa paggamit nanday Duterte kag Go sang ila nga power kag posisyon para makakuha sang bilyon nga balor sang kwarta sang government projects nga pabor sa tagsa sini ka pamilya.
