Arestado ang isa ka lalaki matapos ginserbehan sang warrant of arrest sa Barangay Lawaan, Roxas City.
Ginkilala ang akusado kay alyas “Dodoy”, 42-anyos, isa ka tripulante kag residente sang Brgy. Banica Roxas City.
Nagapangatubang sa kaso nga pagbayolar sa Section 126 sang RA 10654 ukon sa pagpatigayon sang ilegal nga pagpangisda.
Ang nasambit nga warrant of arrest ang gin-issue kag ginpirmahan ni Kathleeen G. Delantar,Presiding Judge, Municipal Trial Court in Cities, Sixth Judicial Region, Branch 2, Roxas City, Capiz kag napetsahan Disyembre 6, 2024.
Nagabalor naman sa P12,000 ang ginrekomendar nga piyansa sang korte para sa iya temporaryo sini nga kahilwayan.
Sa karon, yara na ini sa kustodiya sang Roxas City PNP para sa nagakaigo nga disposisyon.
