Nag walk out si US President Donald Trump sa Senado pagkatapos nga gin-akusahan ang US Senate Minority Leader nga si Chuck Schumer sang “political extortion” kag nagsiling nga “GO TO HELL” sa isa ka post sa Truth Social.
Gintawag ni Trump nga “egregious and unprecedented”, ang pangabay ni schumer, suno sa iya nagapanawagan para sa pagpaguwa sang mga pundo sang gobyerno kag mga garantiya batuk sa dugang nga pagbuhin sa mga pundo sang gobyerno.
Ini ang nagtulod sa kasugtanan nga malab-ot, lakip ang pag-aprubar sang nominasyon ni Trump, subong man ang 60 ka mga gintangdo nga may suporta sang duha ka partido.
Ang kasugtanan nagalakip man sang mga ginapangayo sang mga Democrats, pareho sang pagdula sang mga freeze sa National Institutes of Health (NIH) kag foreign aid funding.
Apang ginpanginwala ini ni Trump, kag gin-akusahan si Schumer nga nagapangayo sang masobra isa ka bilyon ka dolyar kabaylo sang minimal nga nominasyon.
Gintawag niya ini nga “political extortion,” nga suno sa iya mangin makahuluya para sa iya partido sa Republicans kon batunon ang nominasyon.
Samtang, sa isa ka press conference, ginmulay ni Schumer si Trump sa madasig nga pag-untat sa kasugtanan, kag namangkot ang mamalidha kon bala amo ini ang iya ginasiling nga “Art of the Deal”?
Pagkatapos sang insidente, ang Senado nagboto sa pito ka mga nominasyon antes mag-adjourn para sa recess, kag ginpaisol ang nabilin nga mga nominasyon tubtob sa Septyembre, 2025.
