Nagpamahog si US President Donald Trump nga magpatuman sang 50 porsyento nga taripa sa tanan nga produkto gikan sa European Union, samtang ang mga produkto sang Apple ang ipaidalom sa 25 porsyento nga taripa.
Suno kay Trump, tubtob nga indi pa made sa US ang mga produkto sang Apple, indi siya mag-untat sa pag-imponer sang taripa.
Ginhatagan pa niya sing importansya nga ang mga isyu nga ila naangkon sa EU wala sing may nalab-ot, gani ang pagpatuman sang 50 porsyento nga taripa mangin epektibo sa Hunyo 1.
Wala nakalab-ot sa kasugtanan si Trump sa EU, sa diin nagapamilit sila sa zero percent rate kag wala nagaugyon sa 10 percent nga baseline tax sang US.
Madumduman nga madamo nga mga lideres sang pungsod ang personal nga nag-istorya kay Trump nahanungod sa iya pamahog sang mataas nga taripa, sa diin ila ginkumbinsi ang Presidente sang Estados Unidos nga buhinan ini.
