-- ADVERTISEMENT --
Nakatalana nga mag-atubang sa una nga kahigayunan si anay Pangulong Rodrigo Duterte sa International Criminal Court subong nga adlaw.
Suno sa ICC, pagahiwaton ang pagtambong sang anay Pangulo sa oras alas 9:00 sang gab-i subong nga Biyernes, Marso 14, oras sa Pilipinas.
Base sa patakaran sang ICC, sa una nga tion pagakumpirmahon nila ang identity kag ang lenguwahe sang magaatubang agud gamiton sa hearing antes magtalana liwat sang mga hearing.
Matandaan nga nagapangatubang ang anay pangulo sang kaso nga crimes against humanity bangud sa maduguon nga away sini kontra sa iligal nga droga.
