ROXAS CITY – Nabaton na sang mga US citizens ang pagpositibo sa Coronavirus Disease ukon COVID-19 sang mag-asawa nga Trump sa pihak sang pagpapili ni US Pres. Donald Trump bilang presidente sang United States of America.
Suno kay Bombo International Correspondent Raffy Fernando nga kasunod sang pagpositibo ni US Pres. Donald Trump kag tiayon sini nga si Melania Trump ang nagpangingibabaw sang pag-ugyon sang mga tawo partikular na ang mga tagasuporta ni Trump kag anay Vice President kag Democratic Presidential nominee Joe Biden.
Ginpahayag ni Fernando nga bisan mainit ang isyu sa tunga sang duha ka presidential candidate mas ginpakamaayo sa gihapon ni Biden nga ipangamuyo ang kondisyon ni Trump.
Sa pihak sang pagpositibo sang Republican President ginpasiguro ni Trump nga magapatigayon sa gihapon ang iya nga responsibilidad agud himuon sang maayo ang pagpangampanya sini bilang presidential candidate pinaagi sa online campaign.
Sa karon, nagapadayon ang mga health officials sa pag-trace sang mga tawo nga nakahalubilo sang mag-asawa nga Trump kalakio na ang mga US officials kag pamilya nila.
Dugang pa ni Fernando nga wala naman nagbag-o ang mga safety procedures nga ginapatuman sa White House matapos nagpositibo ang nasambit nga presidente.
Samtang, yara na sa Walter Reed National Military Medical Center nga si US President Donald Trump kag asawa sini agud makarekober gikan sa coronavirus disease.
Matandaan nga ginkumpirmar mismo sang American president nga nagpositibo siya kag ang iya asawa nga si Melania sa deadly virus pinaagi sa pagpost sini sa twitter.
