Ginaduso sang mga Democrats sa United States House of Representatives ang imbestigasyon batok sa United States Department of Justice bangud sa ginaalegar nga wala pagbuyagyag sang pila ka mga dokumento may kaangtanan sa sexual abuse allegations batok kay Donald Trump.
Suno sa mga katapo sang House Oversight Committee, masobra 50 ka pahina ang ginasiling nga nadula sa ginpaguwa nga “Epstein Files.”
Lakip sa mga missing records ang ginaalegar nagaunod sang mga notes kag summary gikan sa mga FBI interviews sang 2019 sa isa ka babaye nga nag-akusar kay Trump nga nag-abuso sa iya sang tunga-tunga snag dekada 1980 sang 13 tubtob 15 anyos pa lang siya.
Makapila naman ka beses nga ginpanginwala ni Trump ang mga alegasyon.
Suno sa top Democrat sang komite nga si Robert Garcia, magabukas sila sang parallel investigation agud makuha ang mga dokumento.
Gin-athag sang DOJ nga wala nila ginpanas ang mga file kag ang wala mabalhag nga mga dokumento temporaryo lamang nga ginkuha para sa mga redactions agud protektahan ang personally identifiable information, ukon ginakabig nga mga privileged records.
