US military, nagpatigayon sang airstrike sa apat ka mga bangka nga may dala nga iligal nga droga sa Pacific Ocean

Liwat nga nagpatigayon ang US military sang airstrike sa apat ka mga bangka nga may dala nga iligal nga droga sa Sidlangan nga bahin sang Pacific Ocean.

Suno kay US Secretary of Defense Pete Hegseth, nga sa pinaka-ulihi nga insidente, may yara sang 14 ka-twao na ang napatay.

Ini ang una nga hitabo nga may yara sang apat ka mga bangka nga nagdulungan sang ginpatigayon ang military operations sang US.

Giniling sini nga nagbulig sa ila ang mga Mexican authorities matapos makakuha sang impormasyon natuhoy sa pagdala sang iligal nga droga sang amo nga mga bangka.

Madumduman nga umpisa sadtong Setyembre, maya yara na sang 14 ka mga bangka ang ginpasabog sang US military nga nagadala sang iligal nga droga nga ginkapatay sang 57 ka-tawo.