Nagdangat sa P28 million ukon yara sa $500,000 balor sang humanitarian supplies kag logistical support ang ginhatag sang Estados Unidos sa Pilipinas para sa mga Pilipino nga sobra naapektuhan sang Bagyong Julian.
Ang nasambit nga bulig ang ginpangunahan sang United States Agency for International Development (USAID) nga mahatagan sang emergency shelter, tubig, sanitation kag hygiene support.
Nga yara sa 4,000 pamilya ukon nga yara sa 16,000 ka tawo ang mahatagan sang bulig halin sa Amerika.
Suno sa US Embassy diri sa Pilipinas, sumugod Oktubre 7, ang US Department of Defense ang nag mobilized nga military assets para maghatag sang logistical support sa Armed Forces of the Philippines kag sa mga tauhan sang Office of the Civil Defense sa pag transport sang mga humanitarian supplies halin Manila padulong Batanes.
Ginsiguro naman ni US Ambassador Marykay Carlson ang bulig sang Amerika sa mga nahalitan sang bagyong Julian.
Sa karon, nagapakig-angut ang US sa mga kaaabyanan sini nga mga Pinoy kag mga partners agud magbulig sa pagpanagtag sang humanitarian aid.
Ginapabugal naman sang US nga sumugod 2010 nagdangat na sa P21.8 billion ukon kabaylo sang $388 million ang ila nahatag para sa Pilipinas para sa disaster response, preparedness kag recovery.
