Ginkumpirmar sang Department of Justice (DOJ) nga posible nagahilapit na ang Estados Unidos sa pagsumite sang extradition request sa Pilipinas.
Ini agud makadto sa ila nga kustodiya ang ginapahayag sexual trafficker nga si KOJC Pastor Apollo Quiboloy.
Mahibaluan nga si Quiboloy ang ginpangita sang Federal Bureau of Investigation sumugod pa sadtong 2021 sa US bangud sa pagkaulamid sini sa mga kaso nga sex trafficking kag cash smuggling.
Suno kay DOJ Usec. Nicholas Felix Ty, sa karun wala pa sila sang may nabaton nga formal request nagikan sa US.
Matandaan una nanga ginsiling ni DOJ Sec. Jesus Crispin Remulla nga kinahanglan atubangin ni Quiboloy ang mga kaso sini sa Pilipinas.
Pagklaro ni Ty, ang request kinahanglan nga mag-agi sa Department of Foreign Affairs antes ipasa sa DOJ.
