US Postal Service, ginpadayon na ang liwat nga pagbaton sang mga parcels nga nagikan sa China kag Hongkong

Ginpadayon na liwat sang US Postal Service (USPS) ang pagbaton sang mga parcels nga nagikan sa mainland China kag Hong Kong.

Kadungan ini sa suspension matapos nga magabag-o sang pagsulundan si US President Donald Trump sa import taxes.

Suno sa USPS nga nakig-angut na sila sa US Customs and Border Protection, agud masiguro nga indi na maglala pa ang problema.

Bilang kabahin sang pagbag-o, ila na ginadumilian nga magpadala sang magagmay nga packages sa Estados Unidos nga indi magbayad sang $800 ukon buwis.

Matandaan nga ginpasakaan ni Trump sang 10 percent nga taripa ang tanan nga mga produkto nga nagikan sa China.